د برتانیې دفاع وزیر مایکل فالن وايي، هېواد به یې تر ۲۰۱۷ز کال وروسته هم له افغانستان سره مرستو او ملاتړ ته دوام ورکړي.
دا خبره نوموړي تېره ورځ په کابل کې له ولسمشر اشرف غني سره د لیدو پر وخت وکړه. د ولسمشر مرستیال ویاند دوا خان مینه پال بېګا مشال راډيو ته وویل، فالن او غني له امنیتي موضوعاتو سره سره په برتانیا کې د ناقانونه افغان کډوالو پر برخلیک هم خبرې وکړې.
برتانیا دا مهال په افغانستان کې ۳۵۲ سرتېري لري چې د غوڅ ملاتړ په نوم د ناټو روزنیز ماموریت برخه دي.
