پاکستان یو ځل بیا تور پورې کړی چې هندي استخبارات په هغه هېواد کې تاوتریخوالي او ترهګرۍ ته لمن وهي.
د بهرنیو چارو وزارت ویاند محمد نفیس زکریا تېر ماسپښین په اسلام اباد کې اوونیزې خبري غونډې ته وویل، موده مخکې له بلوچستانه د هندي استخباراتو افسر کلبوشن یادو نیولو د اسلام اباد دا دریځ ((سم زبات کړ)) چې هند په پاکستان کې ((بالخصوص په بلوچستان او کراچۍ کې په هېواد مخالفه او د ترهګرۍ په فعالیتونو کې لاس لري.))
زکریا وویل، امنیتي او استخباراتي ادارو د کلبوشن یادو د اعتراف په پایله کې یو شمېر مشکوک کسان نیولي خو نور سپیناوی یې ورنکړ. نوي ډيلي په بیا بیا د اسلام اباد دا ډول تورونه رد کړي او ویلي یې دي چې له پاکستانه وسله وال د هند تر واک لاندې کشمیر او د هغه هېواد په نورو برخو کې ناامني خپروي.
