د پښتونخوا ورک ماشوم د هند راجستان په تاڼه کې
د چارسدې سر دریاب شپږ کلن اسماعیل چې په ۲۰۱۴ کال له خپل مور پلاره ورک شوی وو، په هند کې پر فېسبوک او ټویټر یې ګڼو خلکو تصویرونه لګولي دي چې د هند د راجستان په ګنګا نګر پولیس تاڼه کې دی. د اسماعیل پلار دعوا کوي چې د ده زوی دی، نوموړي د هند او پاکستان له حکومتونو غوښتنه کړې چې زوی دې ورته ورولي. د مشال راډيو خبریال شبیر احمد جان د اسماعیل له پلار او مور سره خبرې کړې دي.