د لاسرسي ځای

کوټه - په کوټه کې چاودنه شوې چې پکې یو پولیس وژل شوی او څلور ژوبل دي.

حکومتي چارواکي وايي، چاودنه د پنجشنبې یا زیارت پر سهار د کوټې له مشرقي بای پاس سړک سره نېږدې شوې.

دوی وايي، چاودنه هغه مهال وشوه چې پولیسو ګزمه یا ګشت کاوه.

د پاکستان شخصي ټيليوېژنونه وايي، په ژوبلو شویو پولیسو کې د یوه روغتیايي حالت خراب دی.

د پاکستانیو طالبانو دوو ډلو – جماعت الاحرار او قاري سیف الله – د حملې ذمه واري منلې ده.

د مې پر ۱۰مه نېټه هم په کوټه کې یوه چاودنه شوې وه چې پکې دوه پولیسان وژل شوي ول. هغه چاودنه له بلوچستان پوهنتون سره نېږدې شوې وه.

چارواکو ویلي ول چې په هغې چاودنه کې درې پولیسان ژوبل شوي هم ول.

XS
SM
MD
LG