د لاسرسي ځای

افغان ځواکونو د پاکستان پخواني وزیر اعظم زوی راخوشی کړ


د پاکستان پخواني وزیر اعظم یوسف رضا ګیلاني

د پاکستان پخواني وزیر اعظم یوسف رضا ګیلاني

پاکستان وايي، د هغه هېواد پخواني وزیراعظم یوسف رضا ګېلاني تښتول شوی زوی له افغانستانه خوشې کړل شوی دی.

د پاکستان بهرنیو چارو وزارت نن نهې ورځ په یوه بیان کې وویل، د افغانستان ملي امنیت سلاکار حنیف اتمر د پاکستان بهرنیو چارو سلاکار سرتاج عزیز ته ټیليفون وکړ او ورته یې وویل چې د پخواني وزیراعظم یوسف رضا ګېلاني زوی – علي حیدر ګېلاني – یې د عملیاتو پر مهال له تښتوونکو خلاص کړی.

بیان وايي، دا عملیات افغان او امریکايي ځواکونو په شریکه په غزني کې کړي. بیان زیاتوي، تر طبي معاینې وروسته به ګېلاني پاکستان ته واستول شي. د یوسف رضا ګېلاني زوی ټیک درې کاله مخکې له ملتانه تښتول شوی وو.

XS
SM
MD
LG