د لاسرسي ځای

د کندهار شاولي کوټ کې د ملي اردو هلیکوپټرې بېړنې ناسته کړې


د کندهار سیمه ییز چارواکي وايي چې په شاولي کوټ ولسوالۍ کې د ملي اردو یوې هلیکوپټرې بېړنۍ ناسته کړې ده.

د کندهار د والي ویاند صمیم خپلواک مشال راډیو ته وویل چې دغې هلیکوپټرې تېر ماښام په سیمه کې د ملي اردو ځواکونو ته اکمالات رسول چې د تخنیکي ستونزې له امله بېړنۍ ناستې ته مجبوره شوه.

خپلواک زیاتوي چې په پېښه کې چا ته زیان نه دی اوښتی.

بل خوا وسله والو طالبانو ادعا کړې چې هلیکوپټر د دوی کسانو ویشتلې او په کې سپاره ټول کسان وژل شوي.

XS
SM
MD
LG