د ننګرهار چارواکو د چارشنبې په ورځ وویل چې له جلال اباده تر پېښوره د اورګاډي پټلۍ جوړېدو تړون یوې کپمنۍ ته وسپارل شو او په څو ورځو کې به د دې پروژې سروې چارې پېل شي.
د دې پروژې لګښت پاکستان په غاړه اخېستی دی او تمه ده چې سروی یې نژدې اته میاشتې وخت ونېسي.
د ننګرهار والي د چارشنبې په ورځ په جلال اباد کې د دې پټلۍ جوړېدو په اړه جوړې شوې غونډې ته وویل چې د سروې تر ترسره کېدو وروسته به سمدستي د پټلۍ جوړېدو کارونه شروع شي.
دا پټلۍ ۱۵۰ کیلومتره اوږده ده چې ۷۵ کیلومتره یې له ننګرهاره تیرېږي.
