“پښتونخوا حکومت ناراجسټر کډوال نه پرېږدي”
د افغانستان کډوالو چارو وزیر سید حسین عالمي بلخي وايي، د خېبر پښتونخوا حکومت ورسره د کډوالو ستونزو هواري په اړه د یوې کمېټۍ پر جوړولو سلا شوی دی. بلخي دا خبره تېر مازیګر په پېښور کې د خیبر پښتونخوا له اعلا وزیر پروېز خټک سره تر لیدو وروسته په افغان قونصلګرۍ کې د کډوالو یوې غونډې ته وکړه. هلته د اعلا وزیر له دفتره په د پنجشبنې په ورځ خپور شوي بیان کې راغلي، کمېټي به یوازې د هغو کډوالو مسلې هواروي چې رجسټر وي او دا چې صوبايي حکومت به ژر د نارجسټرو کډوالو ضد کارروايي پیلوي. خو بلخي په خپله وینا کې زیاته کړه چې د پاکستان کورنیو چارو وزارت ورته ډاډ ورکړی چې د کډوالو رجسټرولو بهیر به غځوي. په دې اړه د غلام غوث ویډیو وګورئ.