د لاسرسي ځای

'د قبایلي ولس له رایو پس به د فاټا راتلونکې ټاکو'


د خېبر پښتونخوا ګورنر ويلي دي چې د فاټا د اييني او انتظامي حیثیت پرېکړه به د قبايليو په خوښه کېږي. اقبال ظفر جګړا چې د وزير اعظم لخوا د قبايلي سيمو د انتظامی حیثيت په اړه د جوړي شوي کمېټۍ غړی هم دی، تېره ورځ د خېبر اېجنسۍ له سياسي او قبايلي مشرانو او د مدني ټولنې له غړیو سره ولیدل. د وزير اعظم نواز شريف لخوا د سرتاج عزيز په مشرۍ پنځه کسيزې کمېټۍ تر دې وړاندې د باجوړ، مومندو، اورکزو او شمالي وزير ستان دورې هم کړې دي. خېبر اېجنسۍ ته د سفر پر مهال د یادي سيمې سياسي او ټولنيزو مشرانو هغه مهال يوه احتجاجي مظاهره وکړه چې د انتظاميې لخوا ورته د اصلاحاتي کمېټۍ له غړيو سره د ملاقات موقع ورنه کړل شوه.

XS
SM
MD
LG