د لاسرسي ځای

د ويسټ انډيز ښځو کرکټ لوبډلې نړيوال کپ وګاټه


د ويست انډيز ښځينه کرکټ لوبغاړې ګټلي نړيوال کپ سره

د ويست انډيز ښځينه کرکټ لوبغاړې ګټلي نړيوال کپ سره

د ويسټ انډيز ښځينه کرکټ لوبډلې د کرکټ شل اووريزو نړيوال کپ پاي لوبه کې نن د هند په کولکته کې اسټريليا ته په اتوو ويکټو ماتې ورکړه.

ويسټ انډيز د اسټريليا د ۱۴۸ منډو هدف په شلم اوور کې د دوو لوبغاړو په اوټ کېدو سره پوره کړ. د ويست انډيز هيلي ميتويز تر ټولو ډيرې ۶۶ او سټيفيني ټېلر ۵۹ منډې جوړې کړي.

اتلس کلنه هیلې ميتيوز د لوبې غوره لوبغاړې وټاکل شوه. هغې له لوبې وروسته وويل: ((ډير وياړم چې ويسټ انډيز لپاره مو دا پای لوبه وګټله.))

تر دې مخکې لومړی بيټينګ اسټريليا وکړ او په شلو اوورونو کې يې د پنځو لوبغاړو په اوټ کېدو ۱۴۸ منډې جوړې کړي.

ياده دي وي چې دا لومړی ځل دی چې د ويسټ انډيز ښځينه لوبغاړو ټېم نړيوال کپ ګټي. د اسټريليا ميرمنو کرکټ لوبډلې دا کپ درې ځل ګټلی وو.

د اسټريليا د لوبډلې مشرې ميګ لينينګ له لوبې وروسته وويل تمه يې درلوده چې ښه لوبه به وکړي خو هغسې ونه شول. نوموړې زياته کړه د ويسټ انډيز جينکو ډېره ښه لوبه وکړه ځکه خو يې بريا په نصيب شوه.

د ويست انډيز لوبډلې مشرې او د دې ټورنمنټ غوره لوبغاړې، سټيفيني ټېلر وويل چې پرون ورته د ويسټ انډيز د نارينه کرکټ ټېم مشر ډيرن سمي ورته په ټيليفون ميسيج واستاوه چې تاسي که دا وړتيا شته چې دا پای لوبه وګټئ. هغې زياته کړه: ((زه په خپلو لوبغاړو وياړم. موږ وګټله.))

د ويست انډيز نارينه لوبغاړو ټېم هم نن د هند په کولکته کې په نړيوال کرکټ کپ کې د انګلينډ سره پای لوبه کوي چې د پېښور په وخت شپږ نيمې پيليږي.

XS
SM
MD
LG