د بلوچستان امنیتي چارواکي د ۲۲ و مشکوکو کسانو د نیولو خبر ورکوي. د مارچ په ۱۹ د بلوچستان د ملیشه ځواکونو لخوا مشال راډیو ته په یوه استول شوې خبر پاڼه کې ویل شوي چې دغه مشکوک تنان د صوبې په څلورو برخو کې د پلټنې د عملیاتو پرمهال نیول شوي دي او دوی د بیلا بېلو ورانکارو ډلو پورې تړاو لري.
د معلوماتو له مخې په نصیراباد کې ۱۳، په کېچ کې ۵، په سټلایټ ټاون کې ۳ او په پنجګور کې یو مشکوک تن نیول شوي دي.تر اوسه، کومې وسله والې ډلې، په دې اړه مشال راډیو ته څه نه دي ویلي.