د لاسرسي ځای

د پټرولیم مصنوعاتو په نرخونو کې د ټیټوالي په باب ولس وايي چې حکومت خو له تېرې څه مودې راهیسې د تېلو په نرخونو کې تر څلوېښتو (۴۰) روپیو زیات ټیټوالی کړی وو خو له بده مرغه دوی ته يې په عملې توګه هېڅ ګټه ونه رسېدله.

د پاکستان حکومت د مارچ میاشت کې د سونګ توکیو [پیټروليم مصنوعاتو] نرخونو تر اتنیمو روپیو ټیټ کړي دي، چې د بېګا شپې [نهې/سېشنبه] له دوولس بجو عملي شوی دی.

د ګل په ورځ له وزيراعظم کوره جاري شوې اعلاميې له مخې د پیټرول نرخ د یو لیټر په سر اته روپۍ اته څلوېښت پیسې (۸.۴۸) او د ډیزلو نرخ څلور روپۍ اوه شپېته پیسې (۴.۶۷) ټیټ شوی دی شو دغه شان د خاورو تېلو یو لیټر نرخ کې د یوې روپۍ شپږ شپېته پیسو (۱.۶۶) د زیاتوالي وړاندیز رد کړل شو.

د پټرولیم مصنوعاتو په نرخونو کې د ټیټوالي په باب ولس وايي چې حکومت خو له تېرې څه مودې راهیسې د تېلو په نرخونو کې تر څلوېښتو (۴۰) روپیو زیات ټیټوالی کړی وو خو له بده مرغه دوی ته يې په عملې توګه هېڅ ګټه ونه رسېدله.

د ولس د دې شکایاتو پحقله مشال راډیو چې کله د خېبر پښتونخوا د خوړو وزیر قلندر خان لودي سره تماس ونیولو نو د نوموړي وینا وه چې دوی به خپله سټراټیجي جوړوي چې په څه ډول د خوراکي شیانو په نرخونو کې نور ټیټوالی وکړي.

د نوموړي په وینا چې زموږ د هر ضلعې خوړو کنټرولولو او د خوړو مرستیال کنټرولوونکیهره ورځ د بازار دوره کوي او د سبزیانو، میوؤ او نور خوراکي شیانو نرخونه ورځ په ورځ ټاکي خو اوس چې د تیلو په نرخونو کې نوره کمي وکړې شوه نو موږ به هم دا کوښښ وي چې انشاءالله هم په دغه مقدار سره د ضرورت د استعمال څیزونو نرخونه راکم کړو،

د ذکر ده چېد ۲۰۱۴ کال په اګست میاشت کې د پټرولو د یو لیټر نرخ یو سل اوه روپۍ اوه نوي پیسې (۱۰۷.۹۷) او د ډیزلو نرخ یو سل نهه روپۍ څلوردیرش پیسې (۱۰۹.۳۴) و خو د روان کال په مارچ میاشت کې د پټرولو یو لیټر نرخ دوه شپیته روپۍ اوه اویا پیسو (۶۲.۷۷) او د ډیزلو نرخ یو اویا روپۍ دولس پیسو (۷۱.۱۲) ته رارسیدلې دې،

خوپه نړیوال اسلامي پوهنتون کې د معاشیاتو استاذ ډاکټر معراج الحق وائي چې حکومت له یوه داسې کړن لاره جوړول پکار دي چې د کمي فائده يې نیغ په نیغه اولس ته رسي، دی وايي، کله چې د تېلو نرخ ټیټ شي نو سم ورسره کرایې ټیټېږي او له دې سره د خوراکي او نورو شیانو نرخونه هم ټیټېږي خو له بده مرغه حکومت دې اړخ ته پام نه کوي او کرایې هم هغسې د تېر په څېر لوړې دي.

یاده دې وي چې حکومت د ۲۰۱۴ کال د ستمبر میاشتې نه تر دې دمه د پټرولیم مصنوعاتو په نرخونو کې یولس (۱۱) ځل کمې وکړو، پنځه (۵) ځل يې نرخونه په خپل ځايي وساتل او درې (۳) ځل يې په نرخونو کې اضافه وکړه.

XS
SM
MD
LG