'د باچاخان لاره به مو امن ته بیايي'
د چارسدې پر باچاخان پوهنتون د شلمې جنورۍ په برید کې د خدايي خدمتګار تحریک د مشر باچاخان د یو لاروي شاه حسېن زوی، فخرعالم هم وژل شوی وو. فخر عالم د پوهنتون مېلمستون سمبالوونکی وو. شاه حسېن وايي د زوی په مرګ یې نه دي ژړلي ځکه چې فخر عالم پر یوه داسې ورځ وژل شوي چې فخر افغان باچاخان هم په هغه نېټه له دنیا سترګې پټې کړې وې. دی وايي که په اوسنیو حالاتو کې که د باچاخان فلسفه خپله کړل شي نو په سیمه کی به په اسانه امن راشي. د مشال خبریال غلام غوث ورسره مرکه کړې ده.