د چارسدې او مومندو انتظامیه کې ګېر کليوال پر احتجاج دي
د چارسدې او مومند اجنسۍ تر [لانجمن انتظام] لاندې د ۲۵ کلیو اوسېدونکیو خپلو ماشومانو ته د ګوزڼ څاڅکو له ورکولو انکار کړی دی. د دغه کلیو ولس وايي، چې چې د پولیس انتظام یې له چارسدې سره دی، او د تعلیمي ادارو او صحت انتظام یې له مومند ایجنسۍ سره دی. دوی په یوه احتجاج کې له حکومته غوښتنه کړې چې یا خو دې له مومند اجنسۍ سره کړي او یا دې د چارسدې انتظامي برخه ورګرځوي. او خپلو ماشومانو ته یې د ګوزڼ څاڅکو له ورکولو انکار هم په دې کړی چې حکومتي پام ورواړي. د شاهنواز ترکزي ویډیو رپورټ