د لاسرسي ځای

پر کاشغر ــــ ګوادر اقتصادي لار دې کړې ژمنې پوره شي


د جمیعت علمای اسلام (ف) مشر مولانا فضل الرحمان د پاکستان پر وفاقي حکومت غږ کړی چې د کاشغر – ګوادر اقتصادي لار په اړه هغه ژمنې پوره کړي چې پروسږ کال یې په ټول _ګوندیزه غونډه کې کړې وې. نوموړي تېر ماښام په پېښور کې د اقتصادي لار په اړه تر ټولګوندیزې غونډې وروسته خبریالانو ته وویل، د خیبر پښتونخوا او بلوچستان ولس د اقتصادي لار غربي برخې پلان عملي کېدو په اړه اندېښنې لري. د پنجشنبې ورځ په ټول_ګوندیزه غوڼده کې د جمیعت علمای اسلام (ف)، عوامي نیشنل ګوند، پښتونخوا ملي عوامي ګوند، قامي وطن پارټۍ، پیپلز پارټۍ، جماعت اسلامي او تحریک انصاف مشرانو او سیاستوالانو ګډون وکړ. د پاکستان وفاقي حکومت وايي، د چین او پاکستان اقتصادي لار په اړه پر خپلې ژمنې ولاړ دی او لومړی به غربي لار جوړوي چې له پښتونخوا او بلوچستانه تېرېږي.

XS
SM
MD
LG