د لاسرسي ځای

پراګ: د پاکستاني پوځ مشر جنرال راحېل شریف نن د اتوار په ورځ کابل ته ولاړ.پاکستاني چارواکي وایي راحېل شریف له افغان چارواکو سره د افغان حکومت او طالبانو ترمنځ د سولې د بهیر د بیا پیلولو په ګډون پر یو شمیر مهمو امنیتي مسايلوخبرې وکړي.

په دغه موضوع زمونږ همکار ګل ایاز د سیاسي او سیمه ایزو چارو د کارپوه او پخواني سفارت کار ایاز وزیر سره مرکه کړې او په سر کې يي ترې پوښتلي چې دا سفر ولې مهم دی ؟ نوموړې وايي د دواړو هیوادونو پر یو بل باور کول د وخت ضرورت دی، او باید په امنیتي مسلو پاکستان او افغانستان له یو بل سره خبرې وکړي.

اخوا د سولې عالي شورا وايي که چیرته په رښتیا هم افغان او پاکستاني چارواکي د سولې په برخه کې هوکړې ته ورسیږي دا به د سولې د خبرو د بیا پيل لپاره ډېره ښه نتیجه ورکړي.

بلخوا ځینې افغان څیړونکي وایي پاکستاني چارواکي څو واره د افغانستان د سولې له پروسې سره د همکارۍ د ښودلو په خاطر کابل ته راغلي خو انتقاد دلته دی چې ولې دغو سفرونو یواځې نمایشي بڼه لرلې ده او په دې برخه کې یې ژمنې نه دي عملي شوي.

XS
SM
MD
LG