د ننګرهار امنیتي چارواکي وايي،د چارشنبې پر ورځ افغان ګډو امنيتي ځواکونو د اچين ولسوالۍ په مربوطاتو کې د پيل شويو عملیاتو په ترڅ کې د توپچي بريديونو په نتیجه کې اوه تنه د دولت مخالف وسله وال وژلي او ۱۱ تنه نور يې ټپیان کړي دي.
د ننګرهار د امنیه قوماندانۍ د مطبوعاتي دفتر نه د پنجشنبې د ورځې په خبر پاڼه کې راغلي: چې د ننګرهار د هوايي ډګر د ځانګړې قطعې موظفینو د غني خيلو ولسوالۍ اړوند سیاچو سیمه کې عملیات تر سره کړي چې په نتیجه کې يې شپږ تنه مشکوک د پينځه میله بېلابېلو وسلو، يو پايه مخابرې او له ډول ډول چاودونکو توکو سره نيولي دي.
خبرپاڼه لیکي چې په نيول شويو کسانو کې پينځه تنه د سوات اوسیدونکي دي.
