د ولسمشر اشرف غني له لارښوونې سره سم حضرت عمر زاخېلوال په پاکستان کې د افغانستان سفیر ګمارل شوی دی.
د بهرنیو چارو وزارت په یوه بیان کې راغلي چې د دې وزارت د وړاندیز او د ولسمشر له امر سره سم عمرصمد په بلجیم کې او شکریه بارکزۍ په ناروې کې میرویس نایاب په ترکمنستان کې او سیدمصدق خلیلي په چک جمهوریت کې د افغانستان سفیران ګمارل شوي دي.
د بهرنیوچارو وزارت بیان زیاتوي چې د افغانستان نوي سفیران به له دې هېوادونو د اعتمادلیکونو د ترلاسه کولو وروسته په کار پیل وکړي.
