د لاسرسي ځای

لغمان: په ۳۵۲ زلزله ځپلو کورنيو مرستې وويشل شوې


د لغمان ولایت مطبوعاتي مسوول سرحدي ځواک د چارشنبې په ورځ مشال راډيو ته وويل:
د لغمان د والي جبار نعيمي په لارښوونه د سیشنبې پهورځ له غرمې وروسته د دغه ولایت د اضطرار کميټې په همغږۍ د خوراک نړيوال سازمان ډبيلو، ايف پي په مرسته د لغمان په مرکز مهترلام سربيره په الیشنګ او الینګار ولسواليو کې په ۳۵۲ زلزله ځپلو کورنيو خوارکي او غير خوراکي توکي وويشل:

سرحدي ځواک وايي چې په دغه مرستو کې غوري، اوړه، دال او ځينې نور د اړتیا وړ توکي او په غير غذايي توکو کې خېمې، ترپالونه، کمپلې او د اشپزخانې لوازمات شامل وو.

سرحدي ځواک وايي، د اکتوبر په ۲۶ مه نيټه چې د افغانستان په یو شمير ولایتونو کې زلزله راغلې وه، د وروستيو معلوماتو په بنیاد په لغمان کې يې اوه تنه مړه کړي وو، ۲۵ تنه يې ټپیان کړي وو او ۸۱۷ کورونه يې تخریب او زیانمن کړي وو.

XS
SM
MD
LG