د لاسرسي ځای

په ننګرهار کې چارواکي وايي، چې له تېرو څلور ورځو راهیسې د اچین ولسوالۍ په بېلابېلو سيمو کې د افغان ګډو ځواکونو له خوا د داعش وسله والو پرضد هوايي او ځمکني عملیات پیل شوي.

د اچين ولسوال حاجي محمد غالب مجاهد د چارشنبې په ورځ مشال راډيو ته وويل، چې بیګا شپه ځانګړي ځواکونه هم سیمې ته وررسیدلي او د داعشیانو ټکانې يې بمبار کړي دي.

د ولسوال په خبره چې په دغه عملیاتو کې يې يو شمېر داعشیان له خپلو درنو وسله سره له منځه وړي دي.

دی زیاتوي، هغه سيمې چې د افغان ځواکونو لاس ته ورغلي، په هغو کې یې څلور امنیتي پوستې جوړې کړي او په دوه نورو پوستو یې د جوړيدو کار روان دی.

چارواکي وویل، عملیات به یې تر هغو دوام لري چې ټولې سيمې له وسله والو پاکې کړي او بې ځايه شوي خلک خپلو سيمو ته ولیږدوي.

XS
SM
MD
LG