د قبایلي سیمې باجوړ ایجنسۍ ملک محمد یونس په یوه بمي چاودنه کې وژل شوی دی او د هغه دوه ماشومان زامن اعجاز او حضرت نورټپیان شوي دي.
۶۵ کلن محمد یونس د تلايي سیمې سلارزو ملک وو چې نن سهار له کوره په خپل ګاډي کې د عوامي نېشنل ګوند د پخواني مشر او د اشاړو سوات اوسېدونکي افضل خان لالا دعا ته په لاره وو چې له ګلو شاه سلارزو سره یې پر ګاډي چاودنه وشوه.
سرکاري انتظامیې د دغه پېښې پخلی کړی دی خو پر هغه د برید ذمه واري لا هېچا نه ده منلې.
یاده دی وی چی په باجوړ کې له څه مودې راهیسې حکومت پلوه ملکانان, د امنیتي لښکرو مشران او عسکري ځواکونه په نخښه کېږي چې د زیاتره پیښو مسولیت یې وسله وال طالبان پرغاړه اخلي.
