لوی اختر په لومړۍ ورځ افغان امنیتي ځواکونو په کابل او نورو ښارونو کې امنیتي تدابیر سخت کړې دي.
د کورنیو چارو وزارت په یوې اعلامیې کې له خلکو غوښتې چې د اختر په ورځو کې د خوښۍ ډزې ونه کړي او پټاخې ونه کاروي.
د کورنیو چارو وزارت په دې باور دی چې کېدای شي د هیواد دښمنان له دغو ډزو ګټه پورته کړي او د خلکو امنیت ګډوډ کړي.
د کورنیو چارو وزارت له خلکو دا هم غوښتي دي چې له پولیسو سره همکاري وکړي او که چیرته اړتیا وه ۱۱۹ شمیرې ته دې زنګ ووهي.