د جنوبي وزير ستان په واڼه کې په يوه بمي چاودنه کې د مليشې يو سرتېری وژل شوی او پنځه نور ژوبل شوي دي.
د سيمې اوسېدونکې او استخباراتي چارواکي د پيښې پخلی کوي او زياتوي چې پېښه نن سهار وختې د ښخ شوي بم چاودېدو له کبله رامنځ ته شوه.
په چاودنه کې د څارنې او پوځي قافلو د ژغورنې موټر په نښه شو چې پکې ناست د جنوبي وزيرستان د ملېشې يو سرتېری ووژل شو او پنځه نور ژوبل شول.
د پيښې پړه د تحريک طالبان پاکستان ګوښه شوې ډلې مجلس عسکري په غاړه اخيستې ده.
