یوه څارونکې ډله وایي چې د اسلامي دولت ډلې دوه لوړپوړي مشران پرون( دوشنبه) د سوریې په شمال ختیځ کې په یوه هوایي برید کې ووژل شول.
د سوریې لپاره د بشري حقونو څارونکې ډلې دغه دوه مشران یو عراقی ابو اسامه العراقي او بل سوریایي عامرالرفدان پیژندلي دي.
په بریتانیا کې مېشت د سوریې د بشري حقونو ډلې مشر ویلي، تراوسه دا نه ده روښانه چې په الحسکه ولایت کې دغه حمله د امریکا په مشرۍ ایتلافي ځواکونو کړې که د سوریې دولتی ځواکونو؟
د الحسکه ولایت شمال له ترکیې او ختیځ یې له عراق سره ګډه پوله لري.