د لاسرسي ځای

د پاکستان پوځ د انجینيېرینګ شعبې فرنټیېر ورکس ارګنایزېشن «ايف ډبليو او» د واپډا محکمې ته د آزموينې لپاره سپارلی، خو له ټانکه د پا کستان قامي اسمبلۍ غړی داور خان کنډی وايي، چې په دغه پروژه کې زښته ډېرې بې قاعدګۍ شوې دي.

د خېبرپښتونخوا د ټانک ضلعې ولس وايي، د څښاک اوبو نشتوالي یې ورځنی ژوند زښته له کړاونو او ستونزو سره مخامخ کړی دی. د دوی په خبره د ځايي انتظاميه په پيسو د څښاک اوبه پلوري.

هر سړی خو اوبه په پیسو نشي اخیستلی

د ټانک ښار يو اوسیدونکی محمد شکيل وايي د روژې میاشتې په پیل کې یې په نلکیو کې هېڅ اوبه نه راتلې، هر سړه خو د اوبو اخیستلو لپاره پیسې نه لري.

د ټانک شاوخوا کليوال د ډنډ‌ونو اوبه څښي

له ټا نک سره نېږدې د يو کلي يو اوسېدونکی خليل مسود وايي چې په ټانک ښار کې که څه هم ولس د څښاک اوبو ستونزه په څه نا څه ډول هواره کړې خو د ده په خبره د ټانک په خوا اوشا کليوالو سیمو کېبیا ولس په ډونډونو کې د باران د ولاړو اوبو په څکلو مجبوره دي.

تحریک انصاف له کسته د ټانک اوبو ستونزه نه هواروي

د ټانک ضلع نه د خېبرپښتونخوا په اسمبلي کي د جمعيت اعلماي اسلام سره تعلق لرونکي غړي محمود احمد خان واي چي د اپوزيشن سره د تعلق په بنا د صوبي واکمن د تحریک انصاف ګوند د سیاسی رقابت له امله د ټانک د خلکو د اوبوستونزي نه هواروي.

ګومل زام ډېم کې بې قاعدګۍ شوې دي

د ټانک اوبو ستونزو هواري لپاره د امریکا په مرسته د څلوېښتو میليونو ډالرو په لګښت د ګومل زام ډېم د پروسږ کال په جنورۍ مياشت کې د پاکستان پوځ د انجینيېرینګ شعبې فرنټیېر ورکس ارګنایزېشن «ايف ډبليو او» د واپډا محکمې ته د آزموينې لپارهسپارلی، خو له ټانکه د پا کستان قامي اسمبلۍ غړی داور خان کنډی وايي، چې په دغه پروژه کې زښته ډېرې بې قاعدګۍ شوې دي.

داور خان کنډی وايي د ټانک ضلعې او خواو شا سيمو څه باندې لس لاکه خلک دا مهال د صوبايي، وفاقي حکومتونواو امنيتي ادارو تر مينځ د سیاسي رقابت او بې غوري له امله د څښاک او اوبه خور لپاره له اوبو محرومه دي.

XS
SM
MD
LG