په قبایلي سیمو کې له قدرتي افتونو سره د مبارزې اداره FDMAوايي، نن (سېشنبه) به د باړې د قمبر خېلو او بر قمبر خېلو بې کوره کرل شوو کډوال بېرته خپلو سیمو ته ستنېږي.
د FDMA د عملیاتو د څانګې مشر عادل ظهور د دوشنبې پر ورځ مشال راډیو ته وویل چې له ستنېدونکیو کډوالو سره به لازمې مرستې هم کېږي.
د باړې کډوالو د ستنېدو لړۍ سږکال د مارچ په میاشت کې پیل شوې او تر اوسه د اکاخېلو او شلوبر قبیلو کډوال خپلو سیمو ته ستانه شوي دي.
