د لاسرسي ځای

"د شمالي وزیرستان د بې کوره کړل شوو ستنېده دي چټک کړل شي"


د کډوالو پخوانی عکس

د کډوالو پخوانی عکس

د شمالي وزيرستان د ټولو سياسي ګوندونو اتحاد د دې سيمې د کډوالو د ستنولو په عمل کې د چټکۍ غوښتنه کړېده.

بنو: د شمالي وزيرستان د ټولو سياسي ګوندونو اتحاد د دې سيمې د کډوالو د ستنولو په عمل کې د چټکۍ غوښتنه کړېده.

د جمعې په ورځ د خیبر پښتونخوا په بنو کې د بيلا بيلو سياسي ګوندونو ځاي مشرانوپه یو غونډه کې دا غوښتنه وکړه.

د پاکستان پيپلز پارټۍ يو مشر شمس الرحمان وويل ، که چېرې د شمالي وزيرستان د کډوالو په ستنېدو کې ځنډ راغی نو د سېمي سياسي ګوندونه ، اتمانزۍ جرګه او د شمالي وزيرستان د ځوانانو تنظيم به په پرامنه احتجاجونو لاس پوری کړي.

په شمالي وزيرستان کې د ۲۰۱۴م کال د جون پر پنځلسمه نېټه د پاکستان پوځ د وسله والو پر ضد د ضرب عضب په نامه عملیات پیل کړي وو چې لا هم روان دي.

د دې پوځي عملیاتو له کبله د شمالي وزیرستان له بېلا بېلو سیمو تر لس لکه – یو میلیون -زیات کسان بې کوره شو چې زیاتره د خیبر پښتونخوا په بنو کې مېشت دي.

دا بې کوره کړل شوي خلک په وار وار د جرګو له لارې د پاکستان له حکومتي او پوځي مشرتابه غوښتنه کوي چې دوی دي خپلو سیمو ته ستانه کړي.

XS
SM
MD
LG