د خېبر پښتونخوا د بلدیاتو وزیر عنایت الله وايي، حکومت د مې پر ۳۰مه په بلدیاتي انتخاباتو کې د بې نظمیو او درغلیو پلټنې پیل کړې دي او چې چېرې زیاته درغلي شوې وي هلته به بیا له سره انتخابات کوي.
د یوې بلې خبري غونډې پر مهال د پنجشنبې پر مازډیګر د قامي وطن ګوند صوبايي مشر سکندر خان شېرپاو وویل، حکومت دې د انتخاباتو په اړه ټولګوندیزه غونډه وروغواړي او باید د درغلۍ د پلټنې لپاره عدالتي کمېشن جوړ کړي.
