د لاسرسي ځای

د افغانستان د کورنیو چارو وزارت یوه چارواکي په بغلان کې د شاوخوا اتیا بهرني او کورنیو یاغیانو د وژل کیدو خبره کوي.

د کورنیو چارو وزارت د ځانګړو جزوتامونو قومندان جنرال اسدالله شیرزاد مشال راډیو ته وویل چې دغه یاغیان د عملیاتو پر جریان کې وژل شوي دي.

هغه زیاته کړه، په دې عملیاتو کې پولیسو ته زیان رسیدلي دي:

((۷۹ یاغیان وژل شوي، ۹۲ یې ټپیان شوي، ۳۶ یې نیول شوي چې ۶یې پاکستانیان او دیرش یې افغانان دي. زموږ هم ۴ سرتېري شهیدان شوي دي.))

د جنرال شیرزاد په وینا په دغو عملیاتو کې د مرکزي بغلان او ډنډغوري سیمې له یاغیانو پاکې شوي دي.

د کورنیو چارو وزارت هم د یوې خبرپاڼې په خپرولو سره په تیرو دو ورځو کې په یو شمېر ولایتونو کې د لسګونو وسله والو مخالفینو د وژل کیدو خبر ورکړی دی.

XS
SM
MD
LG