'له بولانه تر چتراله باید د کاشغر ـ ګوادر لارې اړولو ضد سخت دریځ وښودل شي'
پښتونخوا ولسي تحریک په پېښور کې د سېشنبی پر ورځ په یوه خبري کانفرنس کې د پښتونخوا او بلوچستان پر ټولو سیاسي ګوندونو غږ وکړ چې د می په ۲۸مه نېټه دې د کاشغر ګوادر لاری په اړه په ټول ګوندیزه غونډه کې دې د کاشغر – ګوادر اقتصادی راهدارۍ اړولو پر ضد دې سخت دریځ خپل کړي او د دغه منصوبې شپږ واړه جزیات دې د اصل پلان له مخې په پښتونخوا او بلوچستان کې د عملي کولو لپاره پر مرکزي حکومت فشار واچوي. نور تفصیل له پېښوره د غلام غوث په دې ویډیو راپور کې