د لاسرسي ځای

د دوشنبې په ورځ به اسلام اباد " د اسیا زړه " کانفرانس کوربه وي


داسیا د زړه / استنبول پروسې تېر کانفرانس

داسیا د زړه / استنبول پروسې تېر کانفرانس

د روانې مياشتې په پنځويشتمه نېټه به اسلام اباد کښې د اسیا دزړه په نوم د بیلا بیلو هیوادونو د لوړ پوړو چارواکو ترمنځ مهمه غونډه ترسره شي. دا به د استنبول د غونډې د پروسې په تعقیب ترسره کیږي.

د پاکستاني خارجه دفتر لخوا جاري شوي بيان ترمخه په غونډه کې د ګډون لپاره د افغانستان په ګډون د دولسو هیوادونو غړو ته په غونډه کې د برخه اخیستو بلنه ورکړل شوېده. له افغانستانه په دې غونډه کې د بهرنیو چارو مرستیال وزیر حکمت کرزی برخه اخلي.

په اسلام اباد کې دافغانستان د سفارت یو ویاند برکت الله رحمتي مشال راډیو ته وویل:

« په دې غونډه کې د افغانستان له غاړې د خارجه وزارت سیاسي معین حکمت خلیل کرزی د یو پلاوي په مشرۍ برخه اخلي. »

نوموړی وايي دا ډول کانفرانسونه د افغانستان په اړه ګټور دي ، خو نور جزیات یې ورنکړل چې کابل د داسې غونډو د لارې څه لاس ته راوړلی شي.

د پاکستان د بهرنیو چارو د وزارت لخوا خپره شوې خبرپاڼه زياتوي د دې غونډې مقصد دروان کال په اخره کې په اسلام اباد کې کېدونکې وزارتي غونډې دپاره لار هوارول دي.

دا وارې د اسیا د زړه د غونډې عنوان د غړو هیوادونو ترمنځ خپل منځي مرستې زیاتول او اقتصادي اړیکو ته وده ورکول دي.

د اسیا د زړه یا د استنبول په نوم پروسه په دوه زره یوولسم کال کې پیل شوې وه. افغانستان د دې پروسې مشري په غاړه لري او دا ځل به پاکستان د دې پروسې شریکه مشري په غاړه لري.

XS
SM
MD
LG