د لاسرسي ځای

“ایران باید د اټومي وسلو تر لاسه کولو ته پرې نښودل شي”


د امریکا د بهرنیو چارو وزیر جان کیري ویلي، ایران بې ثباتي خپرونکی ځواک دی او باید ورته د اټومي وسلو تر لاسه کولو اجازه ورنکړل شي.

تېره میاشت د تهران او نړۍ شپږو ځواکمنو هېوادونو تر منځ د اټومي تړون پر چوکاټ سلا وشوه چې موخه یې د ایران اټومي پروګرام محدودول او په بدل کې یې پر هغه هېواد اقتصادي بندیزونه نرمول دي.

سعودي عرب او د ده خلیجي ګاونډي هېوادونه وېره لري چې ښايي ایران اټومي وسلې جوړې کړي.

کیري د پنجشبنې پر ورځ په ریاض کې له سعودي پاچا سلمان سره تر خبرو وروسته وویل، دوی ((دا سپینه کړې ده چې په سیمه کې د ایران د بې ثباتۍ خپروونکو اقداماتو په اړه لا هم اندېښمن دي.))سعودي عرب هم وايي چې ایران په یمن کې حوثي یاغیانو ته وسلې ورکوي. خو تهران دا تورونه ((سپین درواغ)) بولي.

XS
SM
MD
LG