د لاسرسي ځای

د نیپال زلزلې وروسته لا هم په زرګونه کسان ورک دي


په نیپال کې له زورورې زلزلې یوه اونۍ وروسته لا هم په زرګونه کسان ورک دي. په دې زلزله کې څه باندي ۶۲۰۰ کسان وژل شوي دي.

د نیپال لپاره د اروپایي ټولنې د پلاوي مشر او د دې ټولني سفیر ویلي چې شاوخوا زر اروپایان په غرونو کې لادرکه دي. رنسي تیرینک د جمعې پر ورځ په کاټمنډو کې خبریالانو ته وویل چې نه پوهیږي چې په هغوی څه شوي دي.

د ده په وينا ښایي ځینې یې مړه شوي وي او کېدای شي د ځینو په اړه یې يوازي راپور نه وي ورکړل شوی.

چارواکي وایي د ورکو شویو کسانو موندل آسانه کار ځکه نه دی چې ډېرې له خپلو سفارتونو سره نه وه رجسټر شوي.

د فرانس، اټلي، سپين او هالنډ د ورکو شویو وګړو شمیر ۳۷۱دی خو د ایرلنډ ،کرویشیا او رومانیا ټول وګړي موندل شوي دي.

نور اروپایي هیوادونه لا تر اوسه پر دې کار کوي چې د دوی څومري وګړي ورک دي.

XS
SM
MD
LG