د لاسرسي ځای

"د بلوچستان پر حالاتو غونډه نه پرېښودل بشري حقونه تر پښو لاندې کول دي"


ماما قدیر بلوڅ د مشال راډیو له خبریال خدای نور ناصر سره خبرې کوي (پخوانی عکس)

ماما قدیر بلوڅ د مشال راډیو له خبریال خدای نور ناصر سره خبرې کوي (پخوانی عکس)

د پاکستان او نړۍ د بشري حقونو سازمانونو د پاکستاني حکومت هغه ګام غندلی دی چې د لاهور په لمز پوهنتون کې یې د ورک کړل شوو بلوڅانو په اړه پر کېدونکې غونډه بندیز لګولی وو.

اسرار عالم مومند

پراک: د پاکستان او نړۍ د بشري حقونو سازمانونو د پاکستاني حکومت هغه ګام غندلی دی چې د لاهور په لمز پوهنتون کې یې د ورک کړل شوو بلوڅانو په اړه پر کېدونکې غونډه بندیز لګولی وو.

د بشري حقونو د څار نړيوالې ادارې هيومن رايټس واچ د جمعې په ورځ په خپل رپورټ کې دا پوښتنه راپورته کړې وه چې هغه څه لامل وو چې د پاکستاني پوځ جاسوسي اداره په يو پوهنتون کې د بشري حقونو په اړه له کېدونکې يوې وړې غونډې دومره ويرېږي؟

همداراز د پاکستان د بشري حقونو کمېشن مشرې زهره يوسف مشال راډيو ته وويل چې د روانې مياشتې پر ۹مه نېټه د ياد پوهنتون لخوا د بلوچستان په اړه کېدونکې غونډې ته د دوي مرکزي سیکریټري اې آررحمان هم وربلل شوی وو.

زهرا یوسف وویل چې د پاکستان استخباراتي ادارو د پوهنتون انتظامې ته وويل چې دغه غونډه دې نه کوي.

زهرا یوسف زیاته کړه چې ، موږ په سختۍ سره د دې غندنه کوو ، په لمز يونيورسټۍ کې د بلوچستان په اړه کېدونکې پروګرام باندې بنديز لګول له بنيادي بشري حقونو او اظهار د آزدۍ سرغړونه ده.

نوموړي وویل ، په خاصه توګه د بلوچستان مسله چې ډيره زياته مهمه ده پر دې د بحث اجازت نه ورکولو سره به په بلوڅانو کې د پاکستان خلاف نفرت نور هم زيات شي.

زهرا یوسف ویل که وکتل شي نو د پاکستان رسنۍ هسې هم بلوجستان ته زياته توجو نه ورکوي ، نو د داسې بحثونو مخه نيول په روانو حالاتو کې ګټه ور نه بلکې تاوانې دي.

په بلوچستان کې د ورک کړل شوو بلوڅانو د غږ په نامه د سازمان مشر ماما قدير بلوڅ ته هم په دې غونډه کې د ګډون بلنه ورکړل شوې وه.

ماما قدیر بلوڅ وویل ، مخکې هم د پاکستان استخباراتي ادارو دی په يو شمېر پروګرامونو کې له ګډونه ګرځولی دی.

نوموړي وویل ، موږ نيويارک ته تلو ، له هغه يې وګرځولو ، له الوتکې یې کښه کړو او زموږ سامانونه یې هم را کښته کړل.

ماما قدیر وویل ، پر دوی تور دی چې د پاکستاني ریاست ضد دي خو د ده په وینا داسې هیڅ خبره نشته او په لمز کې به موږ یوازې په بلوچستان کې د ورک کړل شوو کسانو ، د خراب شوو مړو پر میندل کېدو او په بلوچستان کېپر روانو پوځي عملياتو خبرې کولې.

بلخوا د لاهور لمز پوهنتون د جمعې په ورځ په یو بیان کې وویل چې هغوي د حکومت په امر د بلوچستان په اړه کېدونکې غونډه ونه کړه.

ماما قدير بلوڅ وايي چې د یاد پوهنتون ورته ویلي چې دوی به په هر صورت کې دا بنده کړل شوې غونډه کوي. د پنجاب د حکومت دريځ مخې ته نه دی راغلی.

په بلوچستان کې آزدي غوښتونکې وسله والې ډلې په دې صوبه کې د ورک کړل شوو کسانو تور د پاکستان پر امنیتي او جاسوسي ادارو لګوي خو هغوی یې نه مني.

XS
SM
MD
LG