نن د اوبو د نړيوالې ورځې په مناسبت په پيښور کې د مدنې ټولنو فعالانو او د سکولونو زده کونکو لاريون وکړ او له حکومته يې غوښته وکړه چې اولس ته دي د صفا اوبو زمينه برابره کړي.
د مدني ټولنو کارکونکو مشال راډيو ته وويل چې په پاکستان کې دا مهال شپږنيم کروړه خلک د څښلو صفا اوبه نه لري.
لاريون کونکو وويل چې صفا اوبه د هرچا حق دی او بايد چې حکومت د هيواد ټول اولس ته د څښلو پاکې اوبه ورورسوي.
پر دې موقع د مدني ټولنو کارکونکو وويل چې پاکستان کی د څښلو د صفا اوبو د نیشتوالي له کبله خلک د مختلفو بيماريو ښکار کيږي.
دوی دا هم وویل چې دارنګ يوازې د خرابو اوبه سره د تړلو بيماريو له کبله په پاکستان کې هرکال تر دوه لکه زیات ماشومان مړه کيږي.
