اسلام اباد: د پاکستان د پلازمېنې اسلام اباد های کورټ د هند په ممبۍ کې د شویو بریدونو مشکوک او لښکر طیبه وسله والې ډلې یو مشر ذکي الرحمان لکوي د نظربندۍ حکم باطل ګرځولی دی.
نن د اسلام اباد های کورټ جج جسټس نورالحق قريشي په خپله حکمنامه کې وويل، که پر نوموړي بل تور نه وي نو خوشې دي کړل شي.
ذکي الرحمان لکوي دا مهال د راولپېنډۍ په اډیاله زندان کې نظربنده دی.
پر ده تور دی چې په دوه زره اتم کال کې یې د هند د ممبۍ په ښار کې شوو بریدونو چل جوړ کړی وو. په دې حمله کي تر يو سل شپيته زيات کسان وژل شوي وو.