پراګ: د پښتنو سیاسي ګوندونو مشرانو ډلي چې د بنجشنبې په ورځ افغانستان ته تللې وه ، ويلي افغانستان او پاکستان دواړه له يو شان ستونزو سره مخامخ دي او باید هم په ګډه يې حل راوايستل شي.
د جمعې په ورځ ناوخته له ارګ جاري شوې خبرپاڼه وايي، افغان ولسمشر ډاکټر اشرف غني پرون له محمود خان اڅکزي، افراسياب خټک او آفتاب شيرپاو سره په کابل کي د ليدو پروخت وويل، هڅه کوي د دواړه هيوادونه د خلکو ترمنځ په ټولو سطحو تماسونه زيات کړي.
پښتنو سياسي مشرانو له اجرايوي ريس ډاکټر عبدالله سره هم وليدل. په دې لیدو کتو کې د افغانستان پخوانی ولسمشر حامد کرزی هم شامل وو.
افراسياب خټک له کابله تر ستنېدو وروسته مشال راډیو ته وویل چې کابل او اسلام اباد دواړه غواړي چې د ترهګرۍ په ګډون ټولې مسلې په ګډه هوارې کړي.
ده وویل چې د دې سفر پر مهال یې له شاوخوا شپېتو افغان چارواکو او سیاسي مشرانو سره لیده کاته کړي دي.
د مشال راډیو اسرار عالم مومند له افراسیاب خټک سره مرکه کړېده او په پیل کې یې ورڅخه پوښتلي چې له افغان لوري سره پر څه ږغېدلي دي.