د لاسرسي ځای

په خیبرپښتونخوا کې تعلیمي ادارې به د جنورۍ له ۱۲مې نېټې پرانیستل کېږي


د خیبر پښتونخوا حکومت پرېکړه کړې چې د صوبې ټولې تعلیمي ادارې به د جنورۍ له ۱۲مې نېټې بیا پرانیستل کېږي.

دا پرېکړه د تېرې پنجشنبې پر ورځ په وزیراعلا هاوس کې په یوه غونډه کې وشوه چې پکې د صوبې لوړپوړو چارواکو ګډون وکړ.

تر غونډې وروسته د اعلا تعلیم او اطلاعاتو وزیر مشتاق غني خبریالانو ته وویل، حکومت پرېکړه کړې چې د تعلیمي ادارو د امنیت ساتلو لپاره به کلک تدابیر نیسي.

مشتاق غني وویل، د حکومت لپاره دا ممکنه نه ده چې د ټولو تعلیمي ادارو د امنیت لپاره پولیس ځای پر ځای کړي، نو ځکه به د ټولنې له هغو خلکو مرسته اخلي چې قانوني وسلې لري.

تېره میاشت په پېښور کې پر سکول تر برید وروسته په ټوله خیبر پښتونخوا کې تعلیمي ادارې تړل شوې وې.

XS
SM
MD
LG