کراچۍ: د سیندي ملتپالو وژلو پر ضد لاریون
د ډیسېمبر میاشتې پر لسمه نېټه د بشري حقونو نړۍوالې ورځې د لمانځلو په لړ کې په کراچۍ کې د بشري حقونو استازو ډلو او سیندي ملتپالو په پاکستان کې له بشري حقونو د سرغړونې پر ضد د دغه ښار له پریس کلبه د سیند اسمبلۍ تر ودانۍ لاریون وکړ. د نهې په مازیګر په ترسره شوې دغې مظاهره کې ګډونوالو په لاسونو کې د ورک کړل شویو او وژل شویو کسانو تصویرونه نیولي ول. دوی د ورک کړل شوو وژلو خلکو د مړو موندنې پر ضد نارې وهلې. د ظفر کریمي ویډيو