د لاسرسي ځای

“په نړۍ کې د افغان ماشومانو مرګ ژوبله تر ټولو زیاته ده”


په نړۍ کې له ماینونو او نورو بمي چاودنو تر ټولو زیاته مرګ ژوبله په افغانستان کې ماشومانو ته اړولې ده.

په نړۍ کې له ماینونو او نورو بمي چاودنو تر ټولو زیاته مرګ ژوبله په افغانستان کې ماشومانو ته اړولې ده.

د ماینونو د بندیز لپاره د مبارزې نړیوالې ادارې د مځکنیو ماینونو د څارنې په کالني راپور کې ویلي چې په ۲۰۱۳کال کې په نړۍ کې ( دوه زره څلور سوه درې )تنه د ماینونو په چاودنو وژل شوي چې نیمايي یې ماشومان دي.

د دې ادارې په وینا د ماینونو په چاودنو کې تر وړم کال د ماشومانو ځاني زیان په سلو کې اووه زیات شوي دي.

د دې ادارې په کالني راپور کې ویل شوي چې په ۲۰۱۳ م کال کې په افغانستان کې(څلور سوه اووه اتیا) تنه په ماینونو وژل شوي چې دا په همدغه کال په نړۍ کې په ماینونو د ټولو وژل شویو ماشومانو نژدې نیمايي کېږي.

له افغانستان وروسته تر ټولو زیات ماشومان په کولمبیا کې د ماینونو قرباني شوي دي.

په کولمبیا کې ۵۷ ماشومان وژل شوي، ورپسې زیات ماشومان په شام کې وژل شوي دي.

XS
SM
MD
LG