د لاسرسي ځای

ننګرهار: بې پیلوټه الوتکې شپږ وسله وال ووژل


د ننګرهار امنیه قوماندانۍ چارواکي وایي بېګا شپه د اچين ولسوالۍ اړوند د ايساف ځواکونو بې پيلوټه الوتکې په يوه سراچه ډوله موټر کې سپاره شپږ تنه وسله وال وژلي دي.

له مشال راډیو سره په خبرو کې د دغه ولایت مطبوعاتي مسوول حضرت حسین مشرقيوال وویل، بېګا شپه د ننګرهار د هوايي ډګر ځانګړو ځواکونو بټي کوټ ولسوالۍ کې عملیات تر سره کړي چې يو تن وسله وال يې وژلی او څلور تنه پاکستاني وسله وال يې د څلورو ميلو تمانچو او يو کلاشينکوف سره ژوندي نيولي دي.

XS
SM
MD
LG