د لاسرسي ځای

باجوړ: په چاودنه کې دوه پاکستاني عسکر وژل شوي دي


د پاکستان ایف سي عسکر

د پاکستان ایف سي عسکر

د قبایلي سیمې باجوړ ایجنسۍ په سلارزو تحصیل کې د شنبې په سهار د سړک د غاړې په یوه بمي چاودنه کې د پاکستان د ایف سي ځواک دوه سرتيري وژل شوي او دوه نور ژوبل شوي دي.

شاهنواز ترکزی

باجوړ ایجنسۍ: د قبایلي سیمې باجوړ ایجنسۍ په سلارزو تحصیل کې د شنبې په سهار د سړک د غاړې په یوه بمي چاودنه کې د پاکستان د ایف سي ځواک دوه سرتيري وژل شوي او دوه نور ژوبل شوي دي.

د باجوړ د پوليټکل انتظامې چارواکو مشال راډيو ته ويلي دي چې دا پېښه د شنبې په سهار شاوخوا نهه بجې د ملاسید په کلی کې رامنځ ته شوې ده.

د چارواکو په وینا ، دا سرتېري هغه وخت ووژل شو چې د اوبو وړلو پر مهال یې پر موټر د سړک د غاړې بم ور وچاودی.

دا د باجوړ ایحنسۍ په سلارزو کې په دې وروستیو دريمه پېښه ده. همداراز څو ورځې وړاندی په تنګی سیمه کې د ښځينه ښوونکو (استاذانو) پر موټر په شوي برید کې درې ښوونکو وژل شوې وې.

د شنبې په سهار د شوې دې چاودنې پړه چا نده منلې.

XS
SM
MD
LG