د امريکا بهرنو چارو وزير جان کېري به د منځني ختيځ سفر پر مهال په سعودي عرب کې د عرب هېوادونو او د ترکيې بهرنو چارو وزيرانو سره ګوري چې مقصد يې اسلامي دولت وسله والې ډلې ته د ماتې ورکولو لپاره پوځي، سياسي او مالي ملاتړ جوړول دي.
دا غونډه نن په جده کې په داسې حال کې کېږي چې د امريکا ولسمشر باراک اوباما تېره ورځ په عراق او شام کې د اسلامي دولت وسله والې ډلې پر وړاندې د بې رحمه کمپاین پیلولو هوډ وکړ، دغه ډله د عراق او شام پراخې سیمې تر کنټرول لاندې لري.
د يوه امريکايي چارواکي له قوله ويل شوي چې جان کېري به د اسلامي دولت وسله والې ډلې پر ضد په هوايي بريدونو کې د همکارۍ او دغې ډلې ته د پيسو مخنيوي لپاره د اقداماتو کولو په باب خبرې وکړي.
جان کېري پرون د شورو ورځ په بغداد کې عراق د اسلامي دولت وسلوالې ډلې پر ضد جنګ کې مهم ملګری ګرځولی او ويلې و چې نړۍواله ټولنه د اسلامي دولت وسله والې ډلې پرمختګ ته غلي نشي کتلی.
