د لاسرسي ځای

په پاکستان کې بارانونو لږ تر لږه ۱۰۰ کسان وژلي دي


په لاهور کې یوه کورنۍ له خپله کوره اوبه باسي

په لاهور کې یوه کورنۍ له خپله کوره اوبه باسي

په پاکستان کې له تېرو څو ورځو راهسې د زیات باران له کبله د شنبې تر سهاره لږ تر لږه سل کسان وژل شوي دي.

اسلام اباد: په پاکستان کې له تېرو څو ورځو راهسې د زیات باران له کبله د شنبې تر سهاره لږ تر لږه سل کسان وژل شوي دي.

په پاکستان کې د قدرتي افتونو د انتظام د ادارې شو ویاند احمد کمال د شنبې په ورځ ايسوشيټيډ پريس نومي خبري اژانس ته ویلي چې دې بارانونو په پنجاب ، کشمیر او ګلګت بلتستان کې زیات زیانونه رسولي دي.

احمد کمال وايي چې په تېرو دوو ورځو کې په پنجاب صوبه کې ۶۱ ، د پاکستان تر انتظام لاندې کشمير کې ۳۸ او په ګلګت بلتستان کې ۱۱ کسان وژل شوي دي.

د پاکستان د موسمونو محکمې په ملک کې د نورو بارانو د اوريدو وړاند وينه کړې ده. چارواکو اندېښنه ښودلې ده چې ښايي لا نور خلک ووژل شي.

په ۲۰۱۰م کال کې هم په پاکستان کې د زیاتو بارانونو له کبله سېلابونو شاوخوا اولس سوه کسان وژلي وو چې زیاتره یې د خیبر پښتونخوا وو.

XS
SM
MD
LG