د لاسرسي ځای

د ولسمشرحامد کرزي ویاند وایي، د پغمان ولسوالۍ د جنسي تیري د پیښې مجرمین باید ژرترژره اعدام شي.

ایمل فیضي وویل، ولسمشر به د دغو جنایتکارانو د سزاکولو امر په لاسلیکولو کې هېڅ ځنډ ونه کړي.

فیضي زیاته کړه،چې ولسمشر د هېواد له قاضي القضات او لوی څارنوال سره دغه موضوع په خپله تعقیبوي او د سختې سزا ورکولوغوښتنه یې کړې ده.

نژدې لس ورځې مخکې د کابل- پغمان په لاره اتو تنو د یوه موټر پرڅلورو ښځینه سورلیو جنسي تیری وکړی وو.

د پولیسو په وینا په دې تړاو شپږ تنه نیول شوې دي او پولیس د دوو نورو د نیولو په لټه کې دي.

نیول شویو کسانو پرون په کابل کې د رسنیو پر وړاندې خپل جرم ومانه.

XS
SM
MD
LG