د لاسرسي ځای

د اسلام اباد پر لور د عمران او قادري لاریونونه


د پاکستان عوامي تحریک مشر ډاکټر طاهر القادري اعلان کړی چې د اګست پر څورالسمه نېټه به له لاهوره تر اسلام اباده انقلاب یون «مارچ» کوي.

نوموړي خپلو پلویانو ته ویلي، تر هغو دې خپلو احتجاجونو ته دوام ورکړی تر څو چې د وزیراعظم نواز شریف حکومت استعفا نه وي ورکړې.

قادري دا اعلان له هغه وروسته کړی چې په دې ورستو کې پرې په لاهور کې د پولیس وژلو په تړاو مقدمه درج شوې.

د پاکستان تحریک انصاف ګوند هم د اګست پر څوارلسمه تر اسلام اباده د اوږده یون «لانګ مارچ« کولو پرېکړه کړې ده.

بلخوا د پاکستان سرکاري راډیو نن «ګل ورځ» پر خپله ویب پاڼه خبر خپور کړی چې د اطلاعاتو وفاقي وزیر پروېز رشید ویلي چې عمران خان او طاهر القادري هېڅ ولسي ملاتړ نه لري او تحریک انصاف ګوند په هېواد کې ګډوډي رامنځته کول غواړي.

XS
SM
MD
LG