د لاسرسي ځای

پاکستان بیا پر کونړ تر ۱۰۰ زیات توغندي ورولي دي


افغانانو په بیا بیا د پاکستان توغندیو بریدونو خلاف مظاهرې کړې دي

افغانانو په بیا بیا د پاکستان توغندیو بریدونو خلاف مظاهرې کړې دي

د کونړ امنیتي چارواکي وايي، پاکستان یو ځل بیا د چارشنبې او پنجشنبې (شورو او زیارت) تر منځ د شپې د ولایت پر درو ولسوالیو له ۱۰۰ زیات توغندي داغلي دي.

د کونړ امنیه قومندان عبدالحبیب سیدخېل مشال راډيو ته وویل، د توغندیو بریدونه له شپې تر سهاره روان ول.

د ده په خبره، ۱۱۸ توغندي د دانګام، شیګل او مرورې ولسوالۍ پر برخو لګېدلي دي.

سیدخېل زیاتوي، توغندیو ځاني زیان نه دی اړولی خو ولسوالیو ته یې مالي تاوان ور په برخه کړی دی.

د پاکستان د توغندیو بریدونو په غبرګون افغان حکومت او مدني ټولنو په بیا بیا احتجاج کړی دی.

پاکستان وايي، پر افغان خاورې توغندي نه وروي خو د وسله والو تر برید وروسته ځوابي کارروايي کوي.

پاکستان د دې تازه بریدونو په اړه لا څه نه دي ویلي.

XS
SM
MD
LG