د لاسرسي ځای

تازه خبر

د خوست چارواکو د وزیرستان له کډوالو سره اختر ولمانځه


په خوست کې د وزیرستان کډوال
په خوست کې د وزیرستان کډوال

خوست - د کوچني اختر په درېیمه ورځ د خوست والي عبدالجبار نعیمي، د ولایتي شورا او نورو ملکي او پوځي ادارو غړو او چارواکو د شمالي وزیرستان له سلګونه کډوالو سره ولیدل او هغوی ته یې د اختر مبارکي وویله.

د چارشنبې یا شورو پر ورځ، د خوست والي له دفتره په خپور شوي بیان کې ویل شوي، چارواکو د اختر لومړۍ دوه ورځې د خوست ځايي ولس او درېیمه ورځ یې د وزیرستان کډوالو ته ځانګړې کړې وه.

د اختر مبارکۍ د مراسمو پر مهال د وزیرستان کډوالو چارواکي له خپلو ستتونزو خبر کړل او غوښتنې یې ورسره شریکې کړې.

کډوالو د خوست له چارواکو غوښتنه وکړه چې بچیو ته یې د زده کړو زمینې برابرې کړې.

د خوست والي له دفتره خپور شوی یو بل بیان وايي، چارواکو د وزیرستان کډوالو ته خوراکي او غیر خوراکي مرستې ورکړې.

د شمالي وزیرستان سلګونه کورنۍ خوست، پکتیا او پکتیکا ته تللې دي.

د پاکستان پوځ د جون پر ۱۵مه نېټه په شمالي وزیرستان کې د وسله والو پر ضد عملیات پیل کړل.

XS
SM
MD
LG