د لاسرسي ځای

کابل ځانمرګی برید، څلور واړه وژل شوي نیپالیان دي


د کابل په برید کې د یوه دوکان په ماتو ښیښو کې د خلکو انځور ښکاري.

د کابل په برید کې د یوه دوکان په ماتو ښیښو کې د خلکو انځور ښکاري.

په کابل کې یوه ځانمرګي برید څلور کسان وژلي او اووه یې ژوبل کړي دي.

د کابل امنیه قومندانۍ ویاند حشمت الله ستانکزي مشال راډیو ته وویل، پېښه د سې شنبې پر سهار شاوخوا شپږ نیمې بجې د خواجه بغرا په سیمه کې شوې ده.

خواجه بغرا د کابل ښار هغه برخه ده چې پکې د کورنیو چارو وزارت له نشه يي موادو سره د مبارزې اداره او د بهرنیو ځواکونو یوه اډه پرته ده.

د کورنیو چارو مرستیال وزیر ایوب سالنګي وايي، وژل شوي کسان د نیپال دي.

د ده په وینا، چوونکي توکي په یوه موټر سایکل کې ځای پر ځای کړل شوي ول او ځانمرګي د افغان حکومت د سلاکارانو ودانۍ په وره کې چاودنه وکړه.

وسله والو طالبانو د برید پړه منلې ده.

په دې وروستیو کې وسله والو په افغانستان کې خپل بریدونه زیات کړي دي.

XS
SM
MD
LG