د لاسرسي ځای

د کابل د ارغندې چوک په سیمه کې لګېدلی اور مړ شوی دی


افغان چارواکي وايي د کابل د ارغندې چوک په سیمه کې له پرون شپې راهیسې اورلګیدنه پای ته رسېدلې.

د کابل د امنیې قومندانۍ ویاند حشمت الله ستانکزي نن (شنبه) مشال راډیو ته وویل؛ دا اورلګیدنه د پرون (جمعې) شپې له لس نیمو بجو پیل او نن لس بجې پای ته ورسېده چې په نتیجه کې یې د تیلو نږدې ۴۰۰ ټانکرونه وسوځېدل.

ستانکزی وايي، کیدای شي په دې پيښه کې ځاني تلفات هم اوښتي وي خو تر اوسه یې په اړه معلومات نه دي ترلاسه شوي.

د کورنیو چارو وزارت ویلي، یوه ډله یې ګمارلې څو د دې اورلګیدنې د لامل په اړه پلټنې وکړي.

له بلې خوا وسله والو طالبانو مشال راډيو ته په یوې رالیږل شوي اعلامیې کې ادعا کړې چې دوی د بهرنیو ځواکونو د موټرو پر تمځای بريد کړی دی او یو شمیر کسان یې وژلي هم دي.

XS
SM
MD
LG